बञ्चरेडाँडाय् माइकिङ याना फोहोर रोकेयात
लहनान्युज | गुंलागा पंचमी ११४२, साउन ३१ बुधवाः
![](https://www.lahananews.com/sites/default/files/fohar_2.jpg)
बञ्चरेडाँडाय् थौं सुथय् स्थानीयपिन्स फोहोर ज्वना वंगु गाडी रोके याःगू दु। येँया फोहोर ज्वःना वंगु गाडी स्थानीयपिन्स रोके यासे प्रहरी व सवारी चालकपिन्त जबरजस्ती मयायेत माइकिङ याःगु दु।
उमिसं महानगरं स्थानीयपिनिगु माग प्रति गैर–जिम्मेवार जूगु धासे ‘५० हजार मनू स्यायेत स्वःगु’ धका द्धपः बिःगु खः। माइकिङयासे प्रहरीयात स्थानीयपिन्त मुखुगु मुद्दा खारेज यायेत व दमन रोके यायेत न माग याःगु दु।
थौं मंगलबाः येँ न वंगु गाडीं फोहोर वान्छ्वं फुगु मदु। आः नुवाकोटय् ककनी गाउँपालिका व धादिङया धुनीवेशी नगरपालिका क्षेत्रय् सतक मनूत च्वना च्वंगु दु सा डाँडा–डाँडाय् मिसा व बूरा बूरीपि च्वना च्वंगु दु।
येँ महानगरपालिकां म्हिगः सोमबाः बन्चरेडाँडाय् प्रहरी परिचालन याना फोहोर विसर्जन याःगु खः। २ सय ५० स्वया अप्पो प्रहरी परिचलान याना २ सय ३ गाडी फोहोर विसर्जन याःगू खः।
Categorized in राष्ट्रिय