थिमिइ लायकू भैलः प्याखंया फोटो फिचर
लहनान्युज | गुंलागा चतुर्थी ११४२, साउन ३० मंगलवाः
![](https://www.lahananews.com/sites/default/files/v-1.jpg)
मध्यपुर थिमिइ शनिवाः निसे लायकू भैलः प्याखं सुरु जूगु दु। प्यन्हुयकं जुइगु उगु प्याखंया न्हापागु दिं उपराष्ट्रपति नन्द बहादुर पुनं प्रत्यक्ष अवलोकन यानादीगु खः।
लायकू भैलः नाप महाकाली, बोडेय् निलबाराही, इन्द्रअप्सरा, भस्मासुर व अष्टमातृका गण नाच प्रदर्शन जूगु दु । सापारुया कन्ह्यः कुन्हुनिसे प्यचाः तक थिमिया थीथी त्वालय् प्याखं प्रदर्शन यायेगु परम्परा दु।
थुगु ऐतिहासिक प्याखं प्रवर्द्धन यायेगु उद्देश्यं मध्यपुर पर्यटन विकास व प्रवर्द्धन फोरम समेत गठन याःगू खः।
ने.सं ६३३ सालय् ख्वपय् अनिकाल जूगु इलय् जुजु सुवर्ण मल्लं नवदुर्गा गण प्याखं, बोडेय् निलबाराही, थिमिइ लायकु भैलः व महाकाली प्याखंया सुरुआत यानातःगु धका धाइ।