राष्ट्रपतिं नागरिकता विधेयक प्रतिनिधि सभाय् लितः छ्वल
लहनान्युज | गुंलागा चतुर्थी ११४२, साउन ३० मंगलवाः
राष्ट्रपति विद्यादेवी भण्डारीं नागरिकता विधेयक प्रतिनिधि सभाय् लितः छ्वंगु दु। राष्ट्रपति भण्डारीं विधेयकय् पुनर्विचाः यायेमाः धका धासे विधेयक लितः छ्वंगु विज्ञप्तिइ उल्लेख याःगू खः।
विधेयकयात संसदीय समितिं पास याःगू प्रतिनिधि सभाय् छ्वंगु खः। प्रतिनिधि सभां राष्ट्रिय सभाय् छ्वंगू विधेयक राष्ट्रिय सभाय् पारित जूइवं सभामुख अग्नि प्रसाद सापकोटां प्रमाणित यायेत राष्ट्रपतिया थाय् त्वंगू खः।
तर राष्ट्रपति विद्यादेवी भण्डारीं विधेयकसम्बन्धी छू विषय सङ्घीय संसदपाखे पुनर्विचाः यायेमाःगू धासे छगु सन्देश नाप प्रतिनिधि सभाय् छ्वंगु खः।
साउन ६ गते प्रतिनिधि सभा व साउन १२ गते राष्ट्रिय सभाय् बहुमतं पारित विधेयक प्रमाणीकरणया लागि संसदय् साउन १५ गते राष्ट्रपति कार्यालय छ्वंगू खः। १५ दिंया ई म्हिगः क्वचाःगू खः।
