इन्टर व एसी मिलानया विजयी सुरुआत
राम डंगोल | गुंलागा तृतीया ११४२, साउन २९ आईतवाः
![](https://www.lahananews.com/sites/default/files/in_14.jpg)
रोमेलु लुकाकुं इटालियन सिरी ‘ए’ लिहावयेवं निगु मिनेट स्वया कम इलय् गोल यायेवं इन्टर मिलानं थौं चान्ह्यः जूगु कासाय् लेसेयात २–१ गोलं बूकुगु दु।
चेल्सींलिपा लुकाकु लोनयात हाकनं इन्टरय् अनुबन्धित याःगू खः। लुकाकु नं निगु मिनेट दुने हे गोलयाना इन्टरयात न्ह्यने यकूगु खः। निगुगू हाफया सुरुइ लेसेका आसान सेसे न बराबरी गोल याःगू खःसा इन्जुरीया इलय् डेन्जेल डम्फ्रिजं गोल यायेवं इन्टर २–१ गोलं बिजयी जूगु खः।
अथेहे मेगु कासाय् मिलानं युडिनेसविरुद्ध ४–२ गोलं त्याकूगु दु। युडिनेसया रोड्रिगो बेकाओया गोलं निगु मिनेटय् हे न्ह्यने लागू खः। मिलानया थियो हर्नान्डेजं १२ मिनेटय् पेनाल्टी गोलपाखे बराबरी याःगू खः। वया ३ मिनेट लिपा एन्टे रेबिकं मेगू गोल थपे यायेवं मिलान न्ह्यने लागू खः।
न्हापागु हाफया इन्जुरी इलय् एडम मासिनां हेडपाखे गोल यायेवं युडिनेस नाप बराबरी याःगू खः। निगू हाफया सुरुइ हेब्राहिम डियाजं गोलं मिलान हाकन न्ह्यने लागू खःसा ६८ मिनेटय् रेबिकं मेगु छगु व्यक्तिगत गोल याःगु खः।
Categorized in कासा