बिहारया मुख्यमन्त्री नितिश कुमारपाखे राजीनामा
अनुपमान राजभण्डारी | गुंलाथ्व द्धादशी ११४२, साउन २४ मंगलवाः
![](https://www.lahananews.com/sites/default/files/nitis_1.jpg)
भारतय् बिहार राज्यया मुख्यमन्त्री नितिश कुमारं मुख्यमन्त्री पदपाखे राजीनामा बिउगु खः।
नितिश कुमारं राज्यपाल फागु चौहानयात नापलानालाई भेटेर राजीनामा बिउगु खः धका बीबीसी हिन्दीं धाउगु दु। वयकलं राजीनामा बुझे याये धुका पार्टीया दक्को विधायक व सांसदपि आः गठबन्धनपाखे अलग जू धका धाउगु दु।
गठबन्धनय् संलग्न भारतीय जनता पार्टी (बीजेपी) नाप मतभेद अप्पोया वनेवं जनता दल युनाइटेडं थौं विधायक व सांसदपिनिगु बैठक सःतूगु खः।
लोकसभाया सांसद व दक्को विधायकपिनिगु बैठकय् आः गठबन्धन एनडीए त्वःतेमाः धइगु विचाः वःगुलि उकियात स्वीकार याना थःम्हेसिया राजीनामा बियाउगु धका धयादीगु खः।
आ नितिश कुमारं राष्ट्रिय जनता दलया समर्थनय् न्हुगु सरकार दयकेगु विश्वास याउगु दु धका बीबीसी हिन्दीं धाउगु दु।
Categorized in अन्तर्राष्ट्रिय