येँ महानगरं नर्भिक अस्पताल २४ घण्टाया दुने हटे यायेत
लहनान्युज | गुंलाथ्व एकादशी ११४२, साउन २३ सोमवाः
![](https://www.lahananews.com/sites/default/files/narvik.jpg)
निर्देशन येँ महानगरपालिकां सरकारनाप भाडां कयातःगु जग्गाय् नक्सा पास मयासे दयकूगु संरचना २४ घण्टा दुने हटे यायेत नर्भिक अस्पतालयात निर्देशन बिउगु दु।
महानगरपालिकां थौं सोमवाः छगु सूचं पिकया अस्पतालं दयकूगु संरचना सरकारनाप जुगु सम्झौता विपरीत जूगुलि २४ घण्टा दुने हटे यायेत निर्देशन बिउगु दु।
अथे मजूसा नियम कथं कारबाही जुइ धका महानगरं चेतावनी बिउगु दु। थापाथलीइ च्वंगु नर्भिक अन्तर्राष्ट्रिय अस्पतालं निदँनिसे डेढ रोपनी स्वया अप्पो सरकारी जग्गा कब्जा याना प्रयोग याना वयाच्वंगु दु।
नर्भिक अस्पतालं तत्कालीन भूमिसुधार कार्यालयया अधिकारीपि नाप सेटिङ मिले याना कौडीया भावं उगु जग्गा प्रयोग याउगु खने दु धका धाउगु दु।
व हे जग्गाय् नक्सा पास मयासे दयकूगु संरचना २४ घण्टा दुने हटे यायेत महानगरपालिकां निर्देशन बिउगु खः।
Categorized in राष्ट्रिय