वंगु २४ घण्टाया दुने देयन्यक थप ९१२ म्हेसित कोरोना संक्रमण पुष्टि जुगु दु। अथेहे छम्हेसिगु ज्यान वंगु दु।

स्वास्थ्य तथा जनसंख्या मन्त्रालयया कथं ६ हजार ४९१ म्हेसिगु परीक्षण याउगुलि ९१२ म्हेसित संक्रमण पुष्टि जुगु दु।

उकि मध्ये २ हजार ९४१ म्हेसिगु पीसीआर परीक्षण याउगुलि ५२९ म्ह व ३ हजार ५५० म्हेसिगु एन्टिजेन परीक्षण याउगुलि ३८३ म्हेसित संक्रमण जुगु दु धका मन्त्रालयं धाउगु दु।

थ्व नाप कोरोना भाइरसया सक्रिय संक्रमितपिनिगु ल्याः ५ हजार ७६० म्ह थ्यःगु दु सा ३७० म्ह संक्रमणमुक्त जुगु दु।

Categorized in राष्ट्रिय