सेयर बजारय् सामान्य गिरावट जुगु दु। थौं बुधबाः बजाःया परिसूचक नेप्से ६.७१ अंक (०.३१ प्रतिशत) न कुहावःगु दु।

थौं २१८६.७७ अंकय् बन्द जुगु दु। थौं नेप्सेय् अप्पो उपसूचक न कुहावंगु दु। व्यापार, हाइड्रोपावर व लघुवित्त उपसूचक धाःसा थहावंगु दु।

बुधबाः बजारय् कुल १८० कम्पनीया सेयर कारोबार जुगुलि ९६ कम्पनीया सेयर भाः ७७ कम्पनीया सेयर भाः घटे जुगु दु। अथेहे न्ह्यगु कम्पनीया सेयर भाः धाःसा स्थिर जुगु दु।

बुधबाः कारोबार जुगु मध्ये सामलिङ पावर कम्पनीया सेयर भाः ९.९९ प्रतिशत व बलेफी हाइड्रोपावरया सेयर भाः ९.९७ प्रतिशतं थहावना सर्किट भाः जुया बन्द जुगु दु।

अथेहे युनाइटेड इदी मार्दी एण्ड आरबी कम्पनीया सेयर भाः ८.९६ प्रतिशतं थहावंगु दु। अथेहे स्ट्यान्डर्ड चाटर्ड बैंकया सेयरमूल्य ३.९२ प्रतिशतं कुहवंगु दु सा गुडविल फाइनान्सया सेयर भाः ३.४३ प्रतिशतं घटे जुगु दु।

Categorized in राष्ट्रिय