भलिबल संघया अध्यक्ष पदय् निरोज मास्के उम्मेदवारी घोषणा
राम डंगोल | गुंलाथ्व पंचमी ११४२, साउन १७ मंगलवाः
![](https://www.lahananews.com/sites/default/files/niroj-maskay.jpg)
नेपाल भलिबल संघय् भदौ २२ गते जुइगु निर्वाचनय् अध्यक्ष पदया लागि उम्मेदवारी घोषणायाम्ह निरोज मास्के न न्यागु प्रतिबद्धता सार्वजनिक याउगु दु।
वर्तमान कार्यसमितिइ उपाध्यक्ष तक जुयादीम्ह मास्के न थौं मंगलबाः छगु ज्याझ्वः दथुइ अध्यक्षय् उम्मेदवारी नाप प्रतिवद्धता सार्वजनिक याउगु दु।
मास्के न निदँ न्ह्यः हे उम्मेदवारी घोषणा याना निर्वाचनया लागि तयारी सुरु याउगु खः। वर्तमान कार्यसमितिइ पदावधी निदँ न्ह्यः हे क्वचाउगु खःसा कोभिड–१९ व खेलकुद ऐनय् अन्योलताया कारण भलिबल संघय् निर्वाचन जुइ मखुगु खः।
मास्के न भलिबल विकासया लागि प्रशिक्षण, प्रतियोगिता, पूर्वाधार, प्रोत्साहन व प्रशासनिक संरचनाय् सुधार यायेगु धाःसे न्यागु प्रतिवद्धता सार्वजनिक याउगु खः।
Categorized in कासा