प्रदेशसभाय २ लय् मर्यादापालक तयेगु न्हुगु वसःया ब्यवस्था
लहनान्युज | सिल्लागा द्धादशी ११३८ (फ्रेअवरी १२ २०१८)
![](https://www.lahananews.com/sites/default/files/l1_1.jpg)
प्रदेश २ या प्रदेशसभाय् मर्यादापालक तयेगु न्हुगु वसःया निर्णय जुगु दु ।
प्रदेशसभाया न्हापांग् मुँज्या च्वंनय् न्ह्यः हे सर्वदलीयया मुँज्यां मर्यादापालक तयेसं दौरा सुरुवाल पुने मदइगु निर्णय याःगु खः । मर्यादापालक तयेसं थः यः थे लँ फिइ दइगु ब्यवस्था यागु दु ।
मिजं मर्यादापालक पिन्सं सर्टपाइन्ट स्वेटर व ज्याकेट नापं मिसा मर्यादापालक पिन्सं कुर्तासुरुवाः फिना मुँज्याय् थ्य.गु खः । म्हसिकाया निति मर्यादापालक तयेत ब्याचया ब्यवस्था याःगु खः ।
प्रदेश २ या प्रदेशसभाया कार्य व्यवस्था परामर्श समिति या थौंया मुँज्यां मर्यादापालकया ड्रेस कोर्डया निर्णय याःगु दु । मिजं मर्यादापालक तयेसं कफी कलरया सफारी सुट व मिसा मर्यादापालक तयेगु लागि परसीया ब्यवस्था याःगु दु ।