येँ जक १२ म्ह मचापिन्त एडिनो भाइरसया संक्रमण खनेदुगु दु।

महाराजगञ्जया कान्ति बाल अस्पतालय् राष्ट्रिय जनस्वास्थ्य प्रयोगशाला टेकुइ छ्वया हःगु १३ गु नमुनामध्ये १२ गु एडिनो भाइरसया संक्रमण खनेदुगु दु।

उगु १२ नमुना मध्येपाखे स्वम्हेसित इन्फ्लुएन्जा ’ए’ न खनेदुगु दु धका कान्ति बाल अस्पतालया निर्देशक डा. युवनिधि बर्सौलां जानकारी बिउगु दु।

अमेरिकी सरकारें ’सेन्टर फर डिजिज कन्ट्रोल एन्ड प्रिभेन्सन (सीडीसी)’ या कथं एडिनो भाइरस जूपिन्त सेँय्, ज्वरो, गःपः स्याइगु, सासः ल्ह्याये थाकुइगु थे जाःगु समस्या खने दइगु लक्षण खः धका धाउगु दु।

Categorized in राष्ट्रिय