नेप्से ४४ दशमलव ८० अङ्कं घटे जुल
रसिया श्रेष्ठ | दिल्लागा त्रयोदशी ११४२, साउन १० मंगलवाः
शेयर बजाः परिसूचक नेप्से थौं मङ्गलवाः ४४ दशमलव ८० अङ्कं घटे जुया २ हजार ८८ दशमलव १६ विन्दुइ कुहावंगु दु।
दक्को समूहया शेयर घटे जुगु दु। बजाः नाप कारोबार ल्याः व रकम न घटे जुगु दु। म्हिगः ४ अर्ब रुपैयाँ स्वया अप्पो कारोबार जुगु खःसा थौं २२२ गु कम्पनीया ८७ लाख ४० हजार कित्ता शेयर ३ अर्ब ७० करोड ४९ लाख रुपैयाँ कारोबार जुगु दु।
दकलय् अप्पो शिवम् सिमेन्टया १९ करोड ३६ लाख व अरुण काबेली हाइड्रोया १५ करोड ५७ लाख रुपैयाँ शेयर किनबेच जुगु खः। थौं गणपति लघुवित्त कम्पनीया शेयर सात प्रतिशत स्वया अप्पो घटे जुगु दु।
रिभर फल्स पावर कम्पनी, दकलय् अप्पो लघुवित्त, पोखरा फाइनान्स व गुहेश्वरी मर्चेन्ट बैंकिङ एन्ड फाइनान्स कम्पनीया शेयर ५प्रतिशत स्वया अप्पो घटे जुगु दु। समग्र बजार घटे जूसा मल्टिपर्पोज फाइनान्सया शेयर ९ प्रतिशत स्वया अप्पो थहावंगु दु।
Categorized in राष्ट्रिय