राप्ती हाइड्रो एण्ड जनरल कन्स्ट्रक्सन लिमिटेडया धितोपत्रको प्राथमीक सार्वजनिक निष्कासन (आईपीओ) बाँडफाँट जुगु दु।

बिक्री प्रबन्धक सिद्धार्थ क्यापिटलं थौं सोमबाः सुथय् कम्पनीया आईपीओ बाँडफाँट याउगु दु। कम्पनीं २९ असार निसे १ साउन तक सर्वसाधारणया लागि २३ लाख ६६ हजार २ सय ४० कित्ता आईपीओ विक्री खुल्ला याउगु खः।

सार्वजनिक निष्कासन याउगु कुल सेयरमध्ये १ लाख १८ हजार ३ सय १२ कित्ता सामुहिक लगानी कोषया लागि छुटे याउगु खः। अथेहे ७० हजार ९ सय ८८ कित्ता सेयर कम्पनीया कर्मचारीपिन्त छुटे याउगु खः।

ल्यःदनिइगु २१ लाख ७६ हजार ९ सय ४० कित्ताया लागि सर्बसाधारणपाखे आवेदन माग याउगु खः। उगु सार्वजनिक निष्कासनय् १४ लाख ९१ हजार ७ सय २२ म्हेसिगु पाखे १ करोड ६२ लाख ७६ हजार ६ सय १० कित्ताया आवेदन जुगु खः।

उकि मध्ये १४ सय २४ म्हेसिगु आवेदन रद्द जुगु खःसा १४ लाख ९० हजार २ सय ९८ म्हेसिगु आवेदपिनिगु आवेदन सदर जुगु धका बिक्री प्रवन्धक सिद्धार्थ क्यापिटलं धाउगु दु।

Categorized in राष्ट्रिय