मन्दाकिनी हाइड्रोपावरया आईपीओ विक्री खुल्ला
रसिया श्रेष्ठ | दिल्लागा द्धादशी ११४२, साउन ९ सोमवाः
![](https://www.lahananews.com/sites/default/files/ipo%20%283%29_16.jpg)
मन्दाकिनी हाइड्रोपावर लिमिटेडं थौं ९ साउन सोमबाःनिसे सर्वसाधारणया लागि धितोपत्रया प्राथमिक सार्वजनिक निष्कासन–आईपीओ) विक्री खुल्ला याउगु दु।
कम्पनीं आयोजना प्रभावित क्षेत्रया स्थानीयपिन्त आईपीओ निष्कासन याये धुका सर्वसाधारणया लागि निष्कासन खुल्ला याउगु खः।
प्रतिकित्ता १०० रुपैयाँ अंकित ११ करोड ७६ लाख ७ हजार ३०० रुपैयाँ बराबरया ११ लाख ७६ हजार ७३ कित्ता साधारण सेयर निष्कासन याउगु दु। निष्कासन याउगु कुल सेयर मध्ये ५ प्रतिशत अर्थात ५८ हजार ८०३ कित्ता सामूहिक लगानी कोषया लागि व २ प्रतिशत अर्थात २३ हजार ५२१ कित्ता सेयर कर्मचारीपिन्त आरक्षित याउगु दु।
सर्वसाधारण लगानीकर्तापिन्स बाँकी दुगु १० लाख ९३ हजार ७४८ कित्ताया लागि सर्वसाधारणपिन्स आवेदन माग याउगु खः। कम्पनीें आईपीओ याकन १२ साउन तक ज उगु इलय् न पर्याप्त आवेदन मवःसा आवेदन बिइगु ई २३ साउन गते तक तयातःगु दु।
लगानीकर्तान्सि न्यूनतम १० कित्तानिसे अधिकतम १ लाख कित्ता सेयरया लागि आवेदन बिइ फइ। कम्पनीं कास्की जिल्लाया माछापुच्छ्रे गाउँपालिकाय् ४ मेगावाट क्षमताया सार्दिखोला जलविद्युत् आयोजना निमार्णयाना उत्पादन यानावयाच्वंगु दु।
Categorized in राष्ट्रिय