पश्चिमी सीमा नाका गड्डाचौकी जुया नेपाः वःपिन्त कोरोनाया सङ्क्रमण खनेदुगु दु।

भारतपाखे लिहावया च्वपिन्त कोरोना सङ्क्रमण खनेदुगुलि स्वास्थ्यकःमिपिन्सं उच्च सर्तकता अपने याउगु दु। शङ्कास्पद मनूपिन्त एन्टिजेन विधिपाखे कोरोना परीक्षणया ज्या यायेत सीमा क्षेत्रय् हे व्यवस्था याउगु दु।

सीमा नाका गड्डाचौकीइ दुगु हेल्थडेस्कया प्रमुख तर्कराज भट्टया कथं न्हि प्यम्ह निसे न्याम्हेसित तक कोरोना सङ्क्रमण खने दुगु धका धाउगु दु। छवाःया दुने जक उगु थासय् २२ म्ह स्वया अप्पोसित कोरोना सङ्क्रमण खनेदुगु खः।

Categorized in राष्ट्रिय