भारतीय कन्टेनरया ठक्करं मोरङय् निम्ह मनू सीउगु दु। बूढीगङ्गा गाउँपालिका–२ गङ्गा चोकय् भारतीय नम्बर प्लेटया कन्टेनरं मोटरसाइकलयात ठक्कर बिइवं सुथय् निम्ह सीउगु दु।

दक्षिणपाखे उत्तर वयाच्वंगु एचआर ३८ एक्स २२१० नम्बरया खाली कन्टेनरं उगु हे दिशाय् वनाच्वंगु ३० प ९१०३ नम्बरया मोटरसाइकलयात ठक्कर बिउगु खः। ठक्कर नया मोटरसाइकल वयाच्वपि निम्हं घटनास्थलय् मदुगु खः।

प्रहरीया कथं दुर्घटनाय् मोटरसाइकल चालक मोरङया केराबारी गाउँपालिकाब–७ या अन्दाजी २७ दँ दुम्ह हर्क परियार व लिउने च्वनावम्ह २१ दँ दुम्ह भीमबहादुर राई मदुगु खः। प्रहरीं कन्टेनर व चालकयात नियन्त्रणय् कयातःगु दु। 

Categorized in अपराध