एन्फाया निक्वःगु कार्यसमितिया बैठक स्थगित
राम डंगोल | दिल्लागा अष्टमी ११४२, साउन ५ बिहीवाः
![](https://www.lahananews.com/sites/default/files/enfa.jpg)
अखिल नेपाल फुटबल सङ्घ (एन्फा) य् निक्वःगु कार्यसमितिया बैठक स्थगित जुगु दु।
यलय् एन्फा मुख्यालयय् थौं च्वंगु बैठक एजेण्डाय् प्रवेश मयासे हे स्थगित याउगु दु। निक्वःगु कार्यसमिति बैठकय् थीथी १८ एजेण्डा तय याना तःगु खः।
एन्फा मुख्यालयय् थौं सुथय् ७ बजे बैठक च्वनेगु धासा छु लिपा जक न्ह्यागु खः। बैठकय् एजेण्डाय् प्रवेश मयासे हे स्थगित जुगु धका वरिष्ठ उपाध्यक्ष वीरबहादुर खड्कां जानकारी बिउगु दु।
न्हापागु पटक एजेण्डा व सूचं नाप एन्फा कार्यसमितिया बैठक सःतूगु खः। थ्व स्वया न्ह्यः सोमवाया लागि तय जुगु बैठक अध्यक्ष पङ्कजविक्रम नेम्वाङ अचानक बिरामी जुया स्थगित याउगु खः।
Categorized in कासा