नेवाः कलाकार फुटसल कासा जुइगु
लहनान्युज | दिल्लागा तृतीया ११४२, असार ३२ शनिवाः
![](https://www.lahananews.com/sites/default/files/kasa.jpg)
एम्स इन्टरटेंटमेंटया ग्वसालय् वइगु भदौ १८ गते शनिबाः कलाकार फुटसल कासा जुइत्यःगु दु।
उगु कासाय् नेवाः संकिपा व संगीतख्यःया आपालं कलाकःमि पिनिगु ब्वति दइगु धका शनिबाः मच्छे रिक्रियशन सेन्टरय् जुगु पत्रकार सम्मेलनय् जानकारी बिगु दु।
ज्याझ्वलय् कोषाध्यक्ष बुद्ध लक्ष्मी अनु महर्जनं प्रेस विज्ञप्ति ब्वना न्यंकादीगु खः । एम्सपाखें संगीतकःमि सुमन कपाली व म्युजिक भिडियो व शर्टफिल्म निर्दशक सुजन बज्राचार्ययात म्हति झिद्वः तकाया आर्थिक ग्वाहालि यायेगु धका नं घोषणा यागु खः।
फुटसल कासाया कजि राजी किपूपाखें कासायाबारे खँ न्ह्यथना दिगु खः। ग्वसाः खलःया नायः सुरेन्द्र महर्जन तापाख्यमिया सभाध्यक्षताय् जुगु उगु प्रेस सम्मेलनय् नेपालभाषाया न्हापांम्ह संकिपा पत्रकार विजयरत्न असंबरें थःथःगु ख्यलं थीथी कथं योगदान बिया वया च्वंपिं कलाकःमि पिनिगु निंतिं माःबले माकथं ग्वाहालि यायेगु आज्जु ज्वना न्ह्यावना च्वंगु एम्सया पलाःयात च्वछासे कलाकःमि दथुइ थवंथवय् सहलह ब्याकेगु निंतिं व थवंथवय् भ्यलेपुंकेगु निंतिं थजागु फुटसल कासा छगू तःजिगु माध्यम खः धका धयादिल ।
Categorized in कासा