छत्रपाटी चिकित्सालय ६१ क्वःगु बुदिं हन
नृपेन्द्रलाल श्रेष्ठ | सिल्लागा षष्ठी ११३८ (फ्रेअवरी ६ २०१८)
![](https://www.lahananews.com/sites/default/files/ccc_0.jpg)
छत्रपाटी निःशुल्क चिकित्सालय थौं छगु ज्याझ्वः दथुइ ६१ क्वःगु बुदिं हःगु दु । छःगु ज्याझ्वः दथुइ मूपाँहा रक्षामन्त्री भिमसेनदास प्रधानं त्वाः देवाय् मत च्याका उलेज्या यानादीगु खः ।
मूपाँहा रक्षामन्त्री प्रधानं थःपिनिगु सरकारं स्वास्थ्य ख्यलय् न्हापांगु थाय् बिया ज्या यानागु कनादील ।
![](http://www.lahananews.com/sites/default/files/pictures/IMG_20180206_133027_0.jpg)
मुटु ल्वय, जलास्येँ ल्वय दु पिन्त तक थःपिनिगु सरकार भत्ता बियेगु खँ न न्ह्यथना दील ।
![](http://www.lahananews.com/sites/default/files/pictures/IMG_20180206_132443_0.jpg)
चिकित्सालयया नायः बिजयबहादुर मालीया सभाधक्ष्यय् जुगु थुगु ज्याझ्वलय् ससफोया सह अध्यक्ष राजेन्द्र श्रेष्ठ, एमालेया प्रदेशसभाया सांसद बसन्त मानन्धर, येँ मनपा १७ या वडा अध्यक्ष नबिन मानन्धर, चिकित्सालय न्वकु बिद्या बनमाली व छ्याञ्जे जलकृष्ण श्रेष्ठ न थःथःगु नुँगः खः तयादीगु खः ।
![](http://www.lahananews.com/sites/default/files/pictures/IMG_20180206_135220_0.jpg)
थुगु चिकित्सालय वा, मिसा ल्वय्, मचा, हाड जोर्नी व नशा, मिखा, चर्म व छ्यगु, न्ह्याय् न्ह्यापं व गपः व मुटु ल्वय् या उपचार याना वया च्वंगु दु ।
चिकित्सालयं २०७३÷७४ य् सुथंयया ओपिडिइ ७२,८१४, बहनि २७५७६ व ५१० म्हसित अपे्रशन यायेत ताःलागु नाप १३८० म्हसित सितिक वास यागु दु सा ४५३ म्ह ल्वगि तयेत १,४९,७४३ वास तक सितिक बिगु खः ।
![](http://www.lahananews.com/sites/default/files/pictures/IMG_20180206_133038.jpg)
बि स २०१३ सालय् निस्वंगु थुगु चिकित्सालय आतक १००९०० म्ह ल्वगि तयेगु सेवा याये धुकुगु दु ।