आःतक २१ म्हेसित हैजा खनेदत
लहनान्युज | दिल्लाथ्व अष्टमी ११४२, असार २३ बिहीवाः
![](https://www.lahananews.com/sites/default/files/h_5.jpg)
चाँगुनारायण नगरपालिका वडा नम्बर–४ दुवाकोट व हेटौंडा नगरपालिकाय् हैजाया संक्रमित खनेदुगु दु।
इपिडिमियोलोजी व रोग नियन्त्रण महाशाखाया कथं निम्हेसित संक्रमित पिनिगु अस्पतालय् उपचार यानाच्वंगु दु। ‘दुवाकोटय् संक्रमितपि टेकु व हेटौंडाय् संक्रमितपि येँया विरेन्द्र सैनिक अस्पतालय् उपचार यानाच्वंगु दु।
आःतक २१ म्ह हैजाया संक्रमित पुष्टि जुइ धुकुगु दु,’ धका महाशाखाया निर्देशक डा. चुम्मनलाल दासं धाउगु दु।
स्वनिगलय् आःतक बागबजाः व कालीमाटी, सानेपा, डिल्लीबजाः, कपन, बालाजु (बोहोराटार), बल्खु, थानकोट, नैकाप, कोटेश्वर, कंलकी (खसीबजार), किपू, कागेश्वरी मनहरा, टेकु, व ग्वार्कोय् हैजाया संक्रमित खनेदुगु दु।
Categorized in राष्ट्रिय