निम्हेसित ओमिक्रोन भेरियन्टया न्हुगु उपप्रजाति ‘बीए फाइभ’ पुष्टि जुगु दु।

राष्ट्रिय जनस्वास्थ्य प्रयोगशालां याउगु जिन सिक्वेन्सिङ पाखे परीक्षण याउगुलि निम्हेसिगु नुमनाय् ‘बीए फाइभ’ पुष्टि जुगु दु धका स्वास्थ्य मन्त्रालयं धाउगु दु।

संक्रमित केसया नमुना केन्द्रिय डाइनोस्टिक प्रयोगशाला व बेलिहिया नाका वःगु स्वास्थ्य तथा जनसंख्या मन्त्रालयं धाउगु दु।

मन्त्रालयया प्रवक्ता डा.संगीता मिश्राया कथं राष्ट्रिय जनस्वास्थ्य प्रयोगशालाय् थीथी भारत व नेपाःया सिमा नाका नाप प्रयोगशालां वःगु ३२ गु नमुनायात जिन सिक्वेन्सिङ याउगु खः।

उकि मध्ये निगु ‘बीए फाइभ’, मेगु निगु ‘बीए वान व ल्यःदनिगु २८ गु ‘बीए टु’ पुष्टि जुगु दु धका धाउगु दु।

Categorized in राष्ट्रिय