जैशिदेवल तेक्वान्दो डोजाङ टिम इन्डिया ओपन कुकिवन डिस्प्याच अन्तर्राष्ट्रिय तेक्वान्दो कम्पिटिसनय् नेपाःया प्रतिनिधित्व यायेत थौं मङ्गलबाः भारतया आसाम वंगु दु।

अन्तर्राष्ट्रिय तेक्वान्दो धेधेँबल्ला असार १७ य् सुरु जुया १९ गते तक जुइ। जैशिदेवल युथ क्लबं सञ्चालन याना च्वंगु जैशिदेवल तेक्वान्दो डोजाङं मङ्गलबाः भारतया आसामय् जुइगु धेँधेँबल्लाखय् ब्वति काइपिं ११ म्ह कासामिपि नाप १४ म्ह सदस्यीय पुचःयात भिन्तुना ब्युसिं विदाइ याउगु दु।

नेपाल तेक्वान्दो संघका केन्द्रिय सदस्य व काठमाडौँ जिल्ला समन्वय समितिया अध्यक्ष सन्तोष बुढाथोकी, जैशिदेव युथ क्लबया अध्यक्ष नाप तेक्वान्दोया वरिष्ठ प्रशिक्षक राजेश प्रजापतिनापं मेपिं पदाधिकारतयसं तेक्वान्दो टिमयात विदाइ याउगु खः। इन्डिया ओपन कुकिवन डिस्प्याच धेँधेँबल्लाखय् जुनियर इभेन्टय् सुरेश हाङ लिम्बु, राहुल लिम्बु, राजीव गुरुङ, सन्देश राई, रोजन प्रजापति, झरना थापा मगर, आस्ना राना मगर, सोनी बानिया व क्याडेड इभेन्टय् समर लामा मुबिकेक्षा गजुरेल व समर्थध्वज जोशीपिन्स प्रतिस्पर्धा याइ।

अन्जित राई प्रशिक्षक, टिम रमेश प्रजापति म्यानचेजर व भरत कारञ्जितं अफिसयलया भुमिका निर्वाह याना दि। अध्यक्ष प्रजापतिं भारतय् म्हितिगु पुचःया फुक्क खर्च जेशिदेवल युथ क्लबं वेहोरेयायेगु जानकारी बिया दुगु खः। भारतय् म्हित वनेत निगु लाख स्वयां अप्वो खर्च जुइगु धका धयादीगु खः। अथेहे विदाइ ज्याझवलय् ग्रेडिङ काय्त ताःलापिं थः कासामितय्त दसिपौ लःल्हागु खः।

Categorized in कासा