मन्त्री जिवनरामया न्हापागु निर्णय स्वयम्भूनिसें हनुमानध्वाखातक सम्पदा पदमार्ग दयेकेगु
लहनान्युज | तछलागा औंसी ११४२, असार १४ मंगलवाः
![](https://www.lahananews.com/sites/default/files/jeban-ram.jpg)
संस्कृति, पर्यटन व नागरिक उड्डयनमन्त्री जीवनराम श्रेष्ठं पदभार ग्रहण याउगु दु ।
राष्ट्रपति भवन शीतलनिवासय् पद व गोपनीयताया सपथ कायेधुंकाः सिंहदरबार थ्यंकाः मन्त्री श्रेष्ठं पदभार ग्रहण यानादीगु खः। पदभार ग्रहणलिसें मन्त्री श्रेष्ठं स्वयम्भूनिसें हनुमानध्वाखा तक सम्पदा पदमार्ग दयेकेगु ज्या न्ह्यःने यंकेगु धका न्हापागु निर्णय यासे ल्हाःचिं तःगु खः।
सरकारं वइगु आर्थिक दँया नितिं स्वयम्भू–हनुमानध्वाखा सम्पदा पदमार्गया नितिं बजेट फ्यायेधुंकूगु दु।
Categorized in राष्ट्रिय