सम्पदा संरक्षण व पर्यटन प्रवर्द्धनया अन्तरक्रिया क्वचाल
लहनान्युज | तछलाथ्व चतुर्दशी ११४२, जेष्ठ ३० सोमवाः
![](https://www.lahananews.com/sites/default/files/yala-16_1.jpg)
नेवाः पत्रकार राष्ट्रिय दबू केन्द्रया ग्वसालय्, यल महानगरपालिका वडा १६ या ग्वाहालिं संस्कृति, सम्पदा, परम्परा संरक्षण व पर्यटन प्रवर्द्धनय् संचार क्षेत्रया भूमिका विषय अन्तरक्रिया ज्याझ्वः जुगु दु।
दबूया अध्यक्ष सुरजबीर बज्राचार्यया सभाध्यक्षय् जुगु उगु ज्याझ्वलय् यल महानगरपालिका वडा १६ या वडाध्यक्ष निर्मलरत्न शाक्य मूपाहाँ कथं झायादीगु खः।
ज्याझ्वलय् वरिष्ठ उपाध्यक्ष नृपेन्द्र लाल श्रेष्ठ व दबूया यल कचाःया अध्यक्ष सागर महर्जनं लसकुस यानादीगु खः।
उगु ज्याझ्वलय् दबुया निवर्तमान अध्यक्ष नाप नेवाः देय दबूया उपत्यका विशेष समितिया अध्याक्ष श्रीकृष्ण महर्जन, दबूया केन्द्रिय सल्लाहकारपिं पुष्कर माथेमा व विजयरत्न असंबरे, थेच्वःया श्रीनवदुर्गा भवानी गुथिया भक्तलाल माली, यलया कात्ति प्याखं संरक्षण समितिया प्रवक्ता संजय शर्मां राजोपाध्याय, मू आगंछेँ गुथिया साम्राज्य देव श्रेष्ठपिन्सं थःथःगु विचाः तयादीगु खः।
Categorized in राष्ट्रिय