केन्द्रिय मानन्धर संघय् न्हुधाः जुल
लहनान्युज | तछलाथ्व षष्ठी ११४२, जेष्ठ २२ आइतवाः
![](https://www.lahananews.com/sites/default/files/manaadhar.jpg)
केन्द्रिय मानन्धर संघय् न्हुधाः जुगु दु। २०१० सालय् स्थापना जुगु दु। देयन्यक च्वपि मानन्धर समुदायापिनिगु थीथी खलः, पुचः, गुठी, टोल नाप संस्थापाखे प्रतिनिधित्व यासे संघं १२ म्ह निर्वाचित व निम्हेसित मनोनित याना १४ म्ह सदस्यपि छनोट याउगु दु।
संघया विधान कथं अधिवेशनपाखे निर्वाचित सदस्यपि मध्यं प्यदँया कार्यकालया लागि उपसभापति, सचिव, कोषाध्यक्ष, सहसचिव निम्ह व ल्यदुपि सदस्यपिन्त ल्ययेगु प्रावधान दु। सभापतिया निर्वाचन धाःसा वइगु अधिवेशनय् याइ।
वीरगन्जपाखे प्रतिनिधित्व जुम्ह सभापति मनोज मानन्धरया सभापतित्वय् जुगु खः। ज्याझवलय् वाग्मती प्रदेशया खानेपानी, उर्जा तथा सिंचाइ मन्त्री माननीय बसन्त मानन्धर, भक्तपुर उद्योग वाणिज्य संघया अध्यक्ष शिव प्रसाद मानन्धर, भक्तपुर चेम्बर अफ कमर्सया अध्यक्ष न्हुछेरत्न मानन्धर, प्रा. डा. भगवान दास मानन्धर, इतिहासकार डा. त्रिरत्न मानन्धर, गोकुल मानन्धरपिनिगु न सहभागिता दुगु खः।
पञ्चकुमारी मानन्धर संयोजकत्वय् गठन जुगु न्याम्ह सदस्यीय निर्वाचन समितिं सर्वसम्मत छनोट याउगु खः। दुजःपि थुकथं दु
१) तुलसी काजी मानन्धर, साःकोलान भक्तपुर
२) जुजु काजी मानन्धर, श्रीपञ्चमी गुठी कीर्तिपुर
३) गजेन्द्र प्रसाद मानन्धर, धालासिक्व काठमाडौं
४) विजय कुमार मानन्धर, वटु काठमाडौं
५) बद्री नारायण मानन्धर, पाक्व काठमाडौं
६) गजेन्द्र मान मानन्धर, चसाँद्व काठमाडौं
७) प्रकाश बहादुर मानन्धर, भिंद्यःत्वाः काठमाडौं
८) कृष्ण बहादुर मानन्धर, न्हूसाः काठमाडौं
९) राजु मानन्धर, मरूध्वाखा काठमाडौं
१०) राजेन्द्र मानन्धर, मच्छेगाउँ चन्द्रागिरी
११) शैलेन्द्र कुमार मानन्धर, दैसाः काठमाडौं
१२) सुशीला मानन्धर, न्यागःमणि फेदी, जितपुर
१३) कृष्ण काजी मानन्धर, सिवा साय्मि खलः थिमि (मनोनित)
१४) किरण कुमार मानन्धर, लाय्कू साः काठमाडौं (मनोनित)
Categorized in राष्ट्रिय