येँ महानगरया उपमेयर सुनिता डंगोलया न्हापागु निर्णय महिला सेल गठन यायेगु
लहनान्युज | तछलाथ्व पारु ११४२, जेष्ठ १७ मंगलवाः
![](https://www.lahananews.com/sites/default/files/sunita-misa.jpg)
येँ महानगरपालिकाया उपमेयर सुनिता डंगोलं हिंसा, अन्यायय् जूपि व पीडित मिसापिनिगु संरक्षण, माःगु कानुनी ग्वहालि व सहजीकरण नाप आत्मरक्षाया तालिम लगायतया व्यवस्थापनया लागि महानगरपालिकां दक्को वडाय् वुमन सेल ‘मिसा सेल’ गठन यायेगु प्रक्रिया न्ह्याकेगु निर्णयय् ल्हाःचिं तःगु दु।
पदभार ग्रहण यायेवं चुनावी प्रतिवद्धता दुगु उगु निर्णय याना ल्हाचिं तःगु खः।दक्को वडाय् गठन याना मिसा सेलं न्यायिक समितिनाप समन्वय याना अन्याय जूपिन्त व पीडित मिसापिन्त माःगु ज्या याइ। न्यायिक समितिया प्रमुख न उपमेयर डंगोल हे खः।\
वयकःया चुनावी प्रतिबद्धतापत्रय् २२ नम्बर बुँदाय् महिला सेल गठन यायेगु उल्लेख दु।
Categorized in राष्ट्रिय