कलाकार स्वतन्त्र संसारयात पितृशोक
लहनान्युज | सिल्लाथ्व चर्तुदशि ११३८ (जनवरी ३० २०१८)
नेवाः संकिपा ख्यःया कलाकार नापं निर्देशक स्वतन्त्र संसार महर्जनयात पितृशोकं कःगु दु ।
स्वतन्त्र महर्जनया अबु जँलास्येँया समस्यां कयाच्वंम्ह तेजबहादुर महर्जन ६५दँ लय् मन्त ।
मदुम्ह महर्जनयात निदान अस्पतालयय् वासः याकेगु झ्वलय् म्हिंग न्हिनय् १ः४० ताः इलय् मदुगु खः ।
मदुम्ह महर्जनयात म्हिग हे ख्वनाया सिकालीइ अन्त्येष्टि याःगु खः ।
६५दँयाम्ह मदुम्ह महर्जनया जहानया लिसें छम्ह म्ह्याय् व निम्ह काय् दी । कलाकार स्वतन्त्र वयकःया चीधिकःम्ह काय् खः।
मदुम्हेसित तःधिकःम्ह काय् पवित्र महर्जनं मि तयादिगु खः ।