महालक्ष्मी नगरपालिका मेयरय् एमालेया हरि गोविन्द श्रेष्ठ निर्वाचित
लहनान्युज | बछलागा षष्ठी ११४२, जेष्ठ ७ सनिवाः
![](https://www.lahananews.com/sites/default/files/gobinda-maha.jpg)
महालक्ष्मी नगरपालिकाया मेयरय् नेकपा एमाले व उपमेयरय् नेपाली कांग्रेसया उम्मेदवार विजयी जुगु दु।
मेयरय् हरि गोविन्द श्रेष्ठ व उपमेयरय् लक्ष्मी महर्जन विजयी जुगु दु। मेयर उम्मेदवारय् हरि गोविन्द श्रेष्ठ ९ हजार ३५० मत हया निर्वाचित जुगु खःसा वयकःया निकटतम प्रतिस्पर्धी माओवादी केन्द्रया शिवप्रसाद कट्टेलं ५ हजार ६५८ मत हःगु खः।
नेकपा एकीकृत समाजवादीया नकुल थापां ३ हजार ८९१ व राप्रपाया प्रविण खत्रीं २ हजार ५९३ मत हःगु खः।
अथेहे उपमेयरय् नेपाली कांग्रेसया उम्मेदवार लक्ष्मी महर्जन ९ हजार ५९१ मत हया विजयी जुगु खःसा नेकपा एमालेया उम्मेदवार विणा सुवेदी ८ हजार ६८३ व राप्रपाया उम्मेदवार रामदेवी महर्जनं २ हजार ६२४ मत हःगु खः।
Categorized in राष्ट्रिय