किपू नगरपालिकाय् नेकपा (एमाले) न प्रमुख, उपप्रमुख नाप दक्को वडाय् पराजित जुइवं नगर इन्चार्जं पदपाखे राजीनामा बिउगु दु।

नेकपा (एमाले) किपू नगर इन्चार्ज लक्ष्मीकुमार महर्जनं नैतिकताया आधारय् थःगु पदपाखे राजीनामा बिउगु दु। थःगु सामाजिक संजालपाखे नगर इन्चार्जं राजीनामाया घोषणा याउगु दु।

‘स्थानीय तहया निर्वाचनय् किपू नगरपालिकाया दक्को वडा व मेयर उपमेयर पदय् पराजित जुगुलि नैतिकताया आधारय् राजिनामा यानागु दु’ धका महर्जनं थःगु राजीनामा पत्रय् च्वंगु दु।

‘एतिहासिक किपुलिइ सुर्यया ध्वजाबाहकपिन्त त्याके मफुगुलि जि थुगु किपू नगरया इन्चार्ज व जिल्ला कमिटीइ च्वनिइगु जितः नैतिकतां मबिइगु। थौंनिसे हे उगु पद व जिम्मेवारीपाखे राजिनामा याये’ धका महर्जनं म्हिगः थःगु सामाजिल संजालय् च्वयादीगु खः।

Categorized in राष्ट्रिय