अपर्णा प्रधानया निगू कृतिया पितब्वज्या
सिल्लाथ्व नवमि ११३८ (जनवरी २६ २०१८) | राजेन्द्र रञ्जित
![](https://www.lahananews.com/sites/default/files/Arpana.jpg)
नेपालभाषाया साहित्य ख्यलय् ताःई न्ह्यःनिसें थःत पानाः वयाच्वनादीम्ह साहित्यकार अपर्णा प्रधानया च्वसां पिज्वःगु निगू कृतिया पितब्वज्या बिहिवाः जूगु दु ।
ज्याझ्वलय् साहित्यकार मय्जु प्रधानया उपन्यास ‘लायलामा’ व वय्कःया ‘जि व जिगु ई’ नांयागु (आत्मबृतान्त) निगू सफू मूपाहाँ नेपालभाषा एकेदेमिया चान्सलर चित्तरञ्जन नेपाली, मुँज्यानायः प्रा. सुवर्ण शाक्यपिसं पितब्वज्या यानादीगु खः ।
पिदंगु निगुलिं सफूया समिक्षा हने बहःम्ह समालोचक पूर्ण काजी ताम्राकारं यानादीगु खः । वय्कलं नुगः खँ तयेगु झ्वलय् आत्मवृतान्त विधा नेपालय् तसकं म्ह्व जूगु व थुगु आत्मवृतान्त तसकं मर्माहित जूगु खँ कनादिल । अर्पणा प्रधान आपाः कृति दुम्ह छम्ह कृतिकार जुइफइगु खँ नं कनादिल ।
ज्याझ्वलय् लसकुृस न्वचू जिना प्रधानं तयादीगु खःसा मिना बज्राचार्यं ज्याझ्वः न्ह्याकादीगु खः ।
उगु ज्याझ्वलय् नेपालभाषा ख्यःया अतिकं हनेबहम्ह भाषा न्ह्यलुवा हितकर वीर कसाः, भाषा सेवी पुष्प चित्रकार, लक्ष्मण राजवंशी, नेपालभाषा केन्द्रीय बिभागया पुलांम्ह प्रमुख चन्द्रमान बज्राचार्य छत्र बहादुर कायस्थ लगायतयापिं विशिष्ट व्यक्तित्वपिसं ब्वतिकयादीगु खः ।
किपाः नेवाः सूचना केन्द्र
Categorized in राष्ट्रिय