६५ दँ दतकि हे बृद्ध भत्ता बिइगु
लहनान्युज | सिल्लाथ्व सप्तमि ११३८ (जनवरी २४ २०१८)
थौं बालुवाटारस्थित प्रधानमन्त्रीया सरकारी निवासय् च्वंगु मन्त्रिपरिषद् बैठकं ७० दँ दतकि बिया वया च्वंगु वृद्ध भत्ता आ ६५ दँ दतकि हे बृद्ध भत्ता बिगु निर्णय याःगु दु ।
अथेहे बैठकं भुकम्प पीडित व बाढी पीडितयात नं राहत स्वरुप छगु लाख तका थप यायेगु निर्णय नं सरकारं यागु दु धकाः सिंचाई मन्त्री सञ्जय गौतमं जानकारी बियादिगु दु
थ्व स्वया न्ह्यः
भूकम्प पीडितयात अनुदान स्वरुप स्वगु लख तका बिगु निर्णय जुगु खः । नाप सरकारं भूकम्प पीडित तयेत वइगु किस्ताया ध्यवाया ईयात नं थपे याःगु निर्णय धकाः कानून न्याय व संसदीय मामिलामन्त्री यज्ञबहादुर थापां जानकारी बियादिगु दु ।
बैठकय् नेपाली सेनाया महासेनानीइ प्यम्ह सित बढुवा यायेगु निर्णय तकं यागु दु । सरकारं दलित व विपन्न समूहया मनूया निजी व्यवसाय वा कम्पनी दताय् सहुलियत बिइगु जुगु दु । छगु करोड पूँजीतकया ब्यवसाय याइ पिन्त सितिक वा उकिइ स्वया अप्व पूँजीया ब्यवसाय वा कम्पनी दताय् ५० प्रतिशत तक शुल्क कायेगु निर्णय जुगु धकाः कानून मन्त्री थापां धयादिगु दु ।
