दिव्य गंगाय् आरती जुइगु
लहनान्युज | सिल्लाव चौथी ११३८ (जनवरी २१ २०१८)
![](https://www.lahananews.com/sites/default/files/kipa-madu_17_9.jpg)
सनातन धर्म व नेपाली समाजय् दुने लः या संस्कृति परम्पराय् न्हना वना च्वंगुया कारण थौं या इलय्, नेपाली मौलिक सांस्कृतिकयात ल्यंका तयेत हाकनं थज्यागु परम्परायात जीवन्त व पवित्र यायेत कन्ह्य श्रीपञ्चमीया दिं कुन्हु टेकुया बागमती पचलीघाट धनेश्वर महादेव देगलय् दिव्य गंगा आरती जुइ त्यंग् खः ।
श्रीपञ्चमि कुन्हु निसें न्ह्याये त्यंगु थुगु ज्याझ्वः दिव्य गंगा आरती प्रत्येक एकादशीइ कुन्हु न्ह्याःबलें निरन्तर रुपं न्ह्याइगु धकाः सत्प्रयास संस्थानया संचालक रविराज राज भण्डारीं जानकारी लहनान्युजयात धयादीगु दु ।
अथेहे न्हना वने त्यंगु अमुर्त लोक भक्ति व शास्त्रीय संगीत व हुलात्याखं यात संरक्षण, प्रबद्धर्न व सम्बद्धन यायेगु पवित्र उद्देश्यया नापं धर्म व संस्कृतिया संरक्षण यायेगु उद्देश्यं शास्त्रीय व धार्मिक मूल्य मान्यता अनुसारय् हे नित्य पूजा, यज्ञ, भजन किर्तन, होम यासें समस्त मानव जातीया कल्याणया उद्देश्यं थुगु आरतीया ज्याझ्वः याये त्यंगु खः ।