खोकनाय् बृहत निःशुल्क स्वास्थ्य शिविर
लहनान्युज सिल्लाथ्व तृतिया ११३८ (जनवरी २० २०१८)
![](https://www.lahananews.com/sites/default/files/arniko%20samaj.jpg)
अरनिको समाजया ग्वसालय् यल महानगरपालिका वडा नं २१ स्वास्थ्य समितिया ग्वाहालिइ खोकनाय् श्री रुद्रायणी मा वि यलया खोकनाय् बृहत स्वास्थ्य शिविर जुगु दु ।
उगु ज्याझ्वलय् मूपाँहा नेकपा माओवादीया नेतृ नाप यल क्षेत्र नं ३ या प्रतिनिधिसभा सदस्य पम्फा भुसालं शिविरया उलेज्या यानादीगु खः ।
![](http://www.lahananews.com/sites/default/files/pictures/arni.jpg)
उगु शिविरय् मिखा, मुटु, स्यँे, प्वा, छ्यंगु, वा, जनरल, नसा, मिसा ल्वँय् सम्बन्धी नापं थी थी ल्वय्या सितिकं परीक्षण नापं सितिकं वासः तकं बिगु खः ।
नेपालस्थित चीनया राजदूतावासया डिसिएम याङ्गसि छावं थःज्यागु ज्याझ्वलं नेपाःमि तयेगु स्वास्थ्यय् सहज पहुँच, नेपाःया विकास, समृद्धि व सामाजिक न्यायया लागि चीन सरकार व जनतां न्ह्याबलय् ग्वाहालि तयार दु धःका न धयादील ।
अरनिको समाजया अध्यक्ष डा सर्वोत्तम श्रेष्ठं थःज्यागु ज्याझ्वलं निगु देशया सम्बन्ध बल्लाकेत ग्वाहालि जुइ धःका धयादीगु खः ।
![](http://www.lahananews.com/sites/default/files/pictures/arniko.jpg)
उगु ज्याझ्वलय् यल महानगरपालिका वडा नं २१ या वडाध्यक्ष रविन्द्र महर्जन, नेपालस्थित चीन राजदूतावासया संस्कृति सहचारी छिपाई, समाजया उपाध्यक्ष डा मनोजमान श्रेष्ठ, अरनिको सांस्कृतिक तथा व्यापार प्रर्वद्धन समाज अध्यक्ष अजरमान जोशी, वडा स्वास्थ्य समितिया अध्यक्ष अशोक महर्जन पिन्सं थःथःगु नुगः खँ तयादीगु खः ।