येँ महानगरय् प्यम्ह वडा सदस्यपि निर्विरोध निर्वाचित
नृपेन्दलाल श्रेष्ठ | बछलाथ्व ११४२, बैसाख १८ आईतवाः
![](https://www.lahananews.com/sites/default/files/4-wa.jpg)
येँ महानगरय् प्यम्ह वडा सदस्यपि निर्विरोध निर्वाचित जुगु दु।
स्थानीय तह सदस्य निर्वाचन ज्याझ्वः कथं बैशाख ११ व १२ गते जुगु मनोनयन दर्ताया झ्वलय् वडा १८, २२, २३ व २७ याना प्यगु वडाय् दलित महिला सदस्य पदय् प्यम्ह निर्विरोध जुगु दु धका मुख्य निर्वाचन अधिकृत राजुकुमार खतिवडां जानकारी बिउगु दु।
अथेहे निर्वाचित जूपि वडा १८ य् अम्बिका सुनार, २२ या गीता परियार, २३ या कञ्चना नेपाली (हरिजन) व २७ या प्रभा परियारपि खः।
वडा १८, २२ व २७ या स्वम्ह नेकपा एमालेपाखे उम्मेद्वारी जुगु खःसा वडा २३ य् नेपाली कांग्रेसयाम्ह खः।
Categorized in राष्ट्रिय