येँ महानगर मेयरय् ५६ व उपमेयरय् ३१ म्हेसिया उम्मेदवारी दर्ता
लहनान्युज | चौलागा एकादशी ११४२, बैसाख १३ मंगलवाः
![](https://www.lahananews.com/sites/default/files/may_3.jpg)
येँ महानगरपालिकाया मेयर पदय् ५६ म्ह व उपमेयर पदया लागि ३१ म्हेसिया उम्मेदवारी बिउगु दु।
५६ म्ह मेयरया उम्मेदवारमध्ये २१ म्ह दलपाखे व बाँकी ३५ म्ह स्वतन्त्र उम्मेदवार रुपं मनोनयन पत्र दर्ता याउगु दु। उकिमध्ये च्याम्ह मिसापि दु। उपमेयर पदय् उम्मेदवारी बिउपि ३१ म्ह मध्ये १२ म्ह दलपाखे व गुम्ह स्वतन्त्र उम्मेदवारया रुपं मनोनयन पत्र दर्ता याउगु खः।
उपमेयरया उम्मेद्वारमध्ये १२ म्ह मिसापि खः। स्थानीय तह सदस्य निर्वाचन २०७९ या निन्हुया दुने दलया प्रतिनिधि व स्वतन्त्रपाखे उम्मेदवारपिन्स मनोनयन दर्ता याउगु दु। स्थानीय तह निर्वाचन २०७९ या कार्यक्रम अन्तर्गत बैशाख ११ व १२ गते निन्हुयाना मनोनयन दर्ता याउगु खः।
मनोनयनया न्हापागु दिं मेयर पदया लागि १६ म्ह व उपमेयर पदया लागि १७ म्हेसिया उम्मेदवारी बिउगु खः। निर्वाचन आयोगया कथं येँ जिल्ला दुगु पालिकाय् जम्मा १ हजार २६२ म्हेसिया मनोनयन पौ दर्ता याउगु दु।
उकि मेयर पदया लागि १२५ म्ह, उपमेयर पदया लागि ५७ म्ह, वडाध्यक्ष पदया लागि ३३४ म्ह, मिसा सदस्य पदया लागि १९१ म्ह, दलित महिला सदस्य पदया लागि १२९ म्ह व सदस्य पदया लागि ४२६ म्हेसिया मनोनयन पत्र दर्ता याउगु खः।
Categorized in राष्ट्रिय