जनकवि दुर्गालाल श्रेष्ठ लिसे छगू बिस्कं कथंया साहित्यिक, सांगितिक व सांस्कृतिक  ज्याझ्वः “थीथी विधाया मिखाकुलिं सर्जक व सिर्जना“ क्वचाःगु दु।

नेपालभाषा एकेडेमीया ग्वसालय् पोर्चुगलय् च्वनाच्वपि डा. ज्योति तुलाधर व त्रिभुवनधर तुलाधरया परिकल्पनाय् किपुलिइ एकेडेमीइ छगु ज्याझ्वः जूगु दु।

एकेडेमीया चान्सलर यज्ञरत्न धाख्वाःया सभाध्यक्षताय् जूगु उगु ज्याझ्वःया सहजीकरण एकेडेमीया भाइस चान्सलर मल्ल के सुन्दरं यानादिगु खः।

ज्याझ्वलय् जनकवि श्रेष्ठया समकालीन स्रष्टा जनगायक भृगुराम श्रेष्ठनाप रामेश, रामकृष्ण दुवाल, अमरराज शर्मा राजोपाध्याय, जुजुकाजि रन्जित, बीरप्रसाद भंसारी पिन्सं थीथी प्रस्तुति न्ह्यब्वया दिगु खः।

अथेहे सानुबाबु महर्जन, रिता महर्जन, पवित्रं कसाः, नरेन महर्जन, रत्नशोभा महर्जन, कृति बज्राचार्य, रफेला महर्जनपिन्स न प्रस्तुति न्ह्यब्वगु खः।

उगु ज्याझ्वलय् मथुरा सायमि, प्रतिसरा सायमि, आर मानन्धर, रजनीमिला, त्रिरत्न शाक्य, भगतदास श्रेष्ठ, सत्यनारायण मानन्धर, अर्जुन नेपाःमि, राजभाइ जकःमि पिन्सं थीथी प्रस्तुति न्ह्यब्वया दिगु खः।

Categorized in राष्ट्रिय