मुटुया चाल नियन्त्रणय् वयवं शताब्दीपुरुष नाप संस्कृतिविद् सत्यमोहन जोशीयात आईसीयू केयरपाखे डिलक्स सुइटय् सारे याउगु दु।

थःगु छेँय् हे छाती स्याना मछिउगुलि किस्ट अस्पताल बिहिबाः भर्ना जुगु खः। अस्पताल निर्देशक प्रा.डा. सुरज बज्राचार्यया कथं आः शताब्दीपुरुष जोशीया पिसाबसम्बन्धी संक्रमण खनेलुगु नाप मुटु मनावंगु, मुटुया चालसम्बन्धी श्वासप्रश्वास नलीइ फाइब्रो ब्रोङ्कएक्टेसी समस्या खनेदुगु खः।

प्रा.डा. मिलेशजंग सिजापति, प्रा. डा. रामभक्त कोजुया नेतृत्वय् थीथी विधाया चिकित्सक संलग्न जूया जोशीया उपचार जुयाच्वंगु दु धका अस्पताल प्रशासनं धाउगु दु।

आः शताब्दीपुरुष जोशीया अवस्था सुधारन्मुख जुगु दु धका डा. बज्राचार्य न जानकारी बिउगु दु।

Categorized in राष्ट्रिय