वंगु दँच्छिया दुने ७४ गु प्रेस नाप अभिव्यक्ति स्वतन्त्रता हननया घटना जुगु दु। नेपाल पत्रकार महासंघया अभिलेखीकरण जुग कथं २०७८ सालया वैशाखनिसे चैत्र मसान्त तक ७४ गु प्रेस नाप अभिव्यक्ति स्वतन्त्रता हननया घटना जुगु दु।

महासंघया महासचिव रोशन पुरीं थौं बिहीबाः न्हुगु दँया भिंतुना देछायेगु झ्वलय् वयकल विसं २०७८ साल नेपाली पत्रकारिता ख्यलय् चुनौतीपूर्ण जुगु धका धयादीगु खः।

वयकलं श्रम समस्याया वंगु दँ स्वया कम जुगुसा प्रेस व अभिव्यक्ति स्वतन्त्रताया घटनाय् कमी मजुगु धका धयादीगु खः। महासंघया कथं पत्रकारयात समाचार च्वंगु हे आधारय् ज्वनेगु, प्रसारण नाप प्रकाशनय् अवरोध, दुव्र्यवहार नाप धम्की, आक्रमण, पेशागत असुरक्षा व नीतिगत बन्देजया घटना जुगु दु धका धाउगु दु। थुगु दँय् महासंघय् २ सय २१ गु पत्रकारया श्रम समस्या खनेदुगु दु धका महासंघं धाउगु दु। वंगु दँय् ५ सय १७ गु श्रम समस्या दर्ता जुगु खः।

उकि मध्ये झण्डै ३ सय म्ह पत्रकारया समस्या समाधान जुगु दु धका महासचिव पुरीं धाउगु दु। आः ३३ वटा गु न्यायिक ल्वापु जुयाच्वंगु दु धका महासंघं धाउगु दु। महासंघया तथ्यांक कथं कोभिड १९ या महामारीइ २६ म्ह पत्रकार नाप सञ्चारकःमिपिनिगु ज्यान वंगु दु। उकि मध्ये १८ म्ह ०७८ सालय् ज्यान वंगु खः।

Categorized in राष्ट्रिय