सच्छि दँलिपा दोलखाय् यलया हरिसिद्धि झीनिदँया जात्रा दोलाखाय् सञ्चालन जुगु दु।

वंगु सोमवाःनिसे दोलखाय् यलया हरिसिद्धि भवानी द्यःप्याखँ सञ्चालन जुगु खः।

यलया हरिसिद्धि त्रिशक्ति भवानी झीनिदँया जात्रा येँ, यल, पन्ति, दोलखा लगायत थीथी थासय् यकेमागु परम्परा दु।

कन्ह्यः तक दोलखाय् जात्रा सञ्चालन जुइ। वया लिपा येँया पशुपतिइ हइगु जुगु दु। पशुपतिइ २७ गते तक जात्रा सञ्चालन याना वया लिपा पन्तिइ वइगु २८ गते तक जात्रा जुइ।

२८ गते सांस्कृतिक परिक्रमा याना २९ व ३० गते हरिसिद्धि डबली, पन्तिइ द्यः प्याखँ हुइकिइ जुगु दु। अथेहे, वैशाख १ गते हरिसिद्धि द्यः छेँय् पूजा याये धुका क्वचाइकिइगु जुगु दु।

नेपालय् हरिसिद्धि त्रिशक्ति भवानीया ख्वाःपाः प्याखं दकलय् पुलागु तान्त्रिक प्याखं पुलागु धका वंशावलीइ उल्लेख दु।

Categorized in राष्ट्रिय