आईपीएलय् गुजरात टाइटन्सया बिजयी सुरुवात
लहनान्युज | चौलाथ्व द्धितीया ११४२, २० आईतवाः
![](https://www.lahananews.com/sites/default/files/default_images/default-image.jpg)
शुबमन गिलया ८४ रन व लोकी फर्गुसनया प्यंगु विकेटया ग्वाहालि गुजरात टाइटन्सं शनिबाः चान्ह्यः जुगु कासाय् इन्डियन प्रिमियर लिग (आईपीएल)य् दिल्ली क्यापिटल्सयात १४ रनं पराजित याउगु दु।
पुणेया महाराष्ट्र क्रिकेट एसोसिएसन रंगशालाय् टस बुकया न्हापागु ब्याटिङकयाम्ह दिल्लीं निर्धारित २० ओभरय् ६ विकेट गुमे याना १७१ रन दयकूगु खः।
१७२ रनया लक्ष्य ज्वना वंगु दिल्लीं ९ विकेट गुमेयाना १५७ रन जक दयकूगु खः। गुजरातया गिलं ४६ बलय् ६ चौका व ४ छक्कानाप ८४ रन दयकूगु खः।
कप्तान हार्दिक पाण्डेय न ३१, डेबिड मिल्नरं २०, राहुल टेवाटियां १४ व विजय शंकरं १३ रन दयकूगु खः।
दिल्लीया लागि मुस्तफिजुर रहमानं स्वगू व खालील अहमदं निगु व कुलदीप यादवं छगु विकेट काउगु खः।
१७२ रनया लक्ष्य ज्वना वंगु दिल्लीया लागि कप्तान रिशभ पन्तं ४३, ललिद यादवं २५ व रोभमन पावेलं २० व मन्दीप सिंहं १८ नाप कुलदीप यादवं अविजित १४ रन दयकूगु खः।
Categorized in कासा