स्पेनिस ला लिगाय् रियाल मड्रिड १२ अंकं न्ह्यने
लहनान्युज | चौलाथ्व द्धितीया ११४२, २० आईतवाः
![](https://www.lahananews.com/sites/default/files/real_14.jpg)
करिम बेन्जेमाया निन्हु गोलं रियाल मड्रिडं वंगु चान्ह्य स्पेनिस ला लिगाय् सेल्टा भिगोयात २–१ न विजय हासिल याउगु दु।
थुगु कासालिपा रियाल शीर्ष स्थानय् १२ अंकं न्ह्यने लायेत सफल जुगु दु। रियाल ३० कासाय् ६९ अंक थ्यंगु दु। निगु थासय् सेभियाया ५७ अंक दु।
उत्कृष्ट लय् दुम्ह फ्रान्सया फरवार्ड बेन्जेमां १९ गु मिनेटय् पेनाल्टी न गोलयासे रियालयात अग्रता बिउगु खः। ५२ गु मिनेटय् सेल्टा भिगोया नोलिटो न बराबरी गोल यासे बराबरी याउगु खः।
रियालयात ६४ गु मिनेटय् हाकन पेनाल्टी अवसर वःगु खःसा बेन्जेमा न गोला याये मफुगु खः। तर, रियालयात हाकन ७० गु मिनेटय् पेनाल्टीया अवसर वंगु खः।
उगु पेनाल्टीयात बेन्जेमा गोल यासे २–१ न विजय हासिल याउगु खः। बेन्जेमा न ला लिगामा जारी सिजनय् गोलया आःतक ३४ गोल याये धुकुगु दु।
Categorized in कासा