यलय याक घोडाजात्रा सुरु जुल
लहनान्युज | चिल्लागा औंसी ११४२, १८ शुक्रवाः
![](https://www.lahananews.com/sites/default/files/g-jatra-1.jpg)
यलय याक घोडाजात्रा सुरु जुगु दु। यलया ओल्खुटोलया अष्टमान महर्जन मंगलबजाःया मूलचुकः उगु याक घोडाजात्रा न्ह्याकूगु खः।
मूलचुकं सुरु जुया ओल्खु, नेउत, लोहलँ, भोल गणेश जुया बालकुमारीइ थ्यकूगु खः। बालकुमारीया सिवाचा द्यःया थाय् चाःहिला हाकन भोलध्वाकाय् लिहावनिइगु खः। थुगु याक घोडेजात्रा येँया तीनख्यः स्वया पुलागु मानेयाना तःगु दु।
थुगु जात्रा स्थानीयपिनिगु कथं मल्लकालनिसे न्ह्याना वयाच्वंगु महाभारतकालीन पात्रया प्रयोग याना थुगु जात्रा हनाच्वंगु खः।
यलया ओल्खु चिबहाः त्वाःया ज्यापु समुदाय न महाभारतया पात्र न्याम्ह पाण्डवया मूर्ति दुगु मंगलबजाःया भिंद्यःया थाय् छ्वयलाभु याना मेँ बलि बिइगु याइ।
गुठीया थकालीं विधिपूर्वक पूजा याना आजुपिन्स ल्यःम्हेसित गुठियारपि मध्ये छम्हेसित घोडा गयेका नापं भिंद्यःया थासं स्वांमा क्वखाय्का सिन्हं टिकिइगु याइ।
थुगु दँय् अष्टमान महर्जनया मौका वंगु खः।
Categorized in राष्ट्रिय