ज्याझ्वलय् मेयर महर्जनं नगर प्रमुखया हैसियतं थःत हनादीगुलिं सुभाय् देछासें थ्व हनाय् सकल कार्यपालिकाया दुजःपिं नं हकदार जूगु न्ह्यथनादिल । न्हापां ला थःपिंके नं ग्याचिकु ब्वलंगु धयादिसें मेयर महर्जनं आःवया विद्यार्थीया अभिभावकपिंसं नं नेपालभाषा ब्वंकेमाःगु धयादीगुलिं थःपिं छत्वाःथः सुथां लाःगु तायेकागु व थुकीयात अझ धिसिलाक्क न्ह्याकेमानीगु खँ कनादिल।

 

उप–ज्याझ्वलय्  नेपालभाषा ब्वंकेगु क्वःछ्यूगु ज्याय् ग्वहालि यानादीपिं प्रा.डा. धर्मराज डंगोल, जुजुभाई महर्जन, डा. वज्रमुनि वज्राचार्य व जीवन महर्जनयात नं हना पौ देछायादीगु खः।

 

नेपालभाषा स्यनामि पुचःया दुजः अतुला महर्जनं न्ह्याकादीगु हना ज्याझ्वलय् किपू नगरपालिकाया वडा अध्यपिं, प्रमुख प्रशासकीय अधिकृत राजेन्द्र कार्की, शिक्षा शाखा प्रमुख उप–सचिव टंकलाल गैरेयालिसें शिक्षकपिनिगु ब्वति दुगु खः।