आईपीएल क्रिकेटय् पञ्जाब किङ्ग्सं विजयी सुरुवात
लहनान्युज | चिल्लागा एकादशी ११४२, १४ सोमवाः
![](https://www.lahananews.com/sites/default/files/roya.jpg)
इन्डियन प्रिमियर लिग आईपीएल क्रिकेटय् पञ्जाब किङ्ग्सं विजयी सुरुआत याउगु दु।
वंगु चान्ह्यः जुगु कासाय् रोयल च्यालेञ्जर्स बेङ्ग्लोरयात ५ विकेटं बूका पञ्जाब विजयी जुगु खः।
टस त्याका न्हापां ब्याटिङ यासे बेङ्ग्लोरं बिउगु २ सय ६ रनया लक्ष्य पञ्जाबं १९ ओभरय् ५ विकेटय् उगु लक्ष्य पूरा याउगु खः।
पञ्जाबया लागि शिखर धवन व भानुका राजपाक्षं ४३ रन, कप्तान मायाङ्क अग्रवालं ३२, ओडिन स्मिथं २५, साहरुख खानं २४ व लियाम लिभिङस्टोनं १९ रन दयकूगु खः।
बेङ्ग्लोरया मोहमद सिराजं निगु विकेट, आकाश दीप, वानिन्दु हसारङ्ग व हर्सल पटेलं छगु छगु विकेट काउगु खः। न्हापां ब्याटिङ याउगु बेङ्ग्लोरं २० ओभरय् २ विकेटय् २ सय ५ रन दयकूगु खः।
बेङ्ग्लोरया लागि कप्तान फाप डु प्लेसिसं ८८ रनया अर्धशतकीय पारी म्हितूगु खः। अथेह, बेङ्ग्लोरया विराट कोहलीं ४१, दिनेश कार्तिकं ३२ नाप अनुज रावतं २१ रन दयकूगु खः। पञ्जाबया अर्शदीप सिंह राहुल चाहरं १–१ विकेट काउगु खः।
Categorized in कासा