यज्ञरत्न धाख्वाः नेपालभाषा एकेडेमीया न्हूम्ह चान्सलर
नृपेन्दलाल श्रेष्ठ | सिल्लागा त्रयोदशी ११४२, २ बुधवाः
![](https://www.lahananews.com/sites/default/files/yagya-ratna.jpg)
नेवाः वाङमय ख्यलय् छगु प्राज्ञिक संस्थाया रुपय् निस्वनातःगु नेपालभाषा एकेडेमीया ज्यासना पुचःया न्हूधाः जुउगु दु।
चान्सलर चित्तरन्जन नेपाली म्हं मफुगु हुनिं वयकया अनुपस्थितिइ सदस्य सचिव मल्ल के सुन्दरया सभाध्यक्षताय् जुगु एकेडेमीया तःमुज्यां जुगु खः। न्हूम्ह चान्सलर कथं यज्ञरत्न धाख्वाःयात ल्यःगु खः।
सर्वसम्मत या आधारय् जुगु ल्यःज्याँ ल्यःपिं दुजःपिनिगु पदभार विभाजन मंगलबार च्वंगु न्हूगु ज्यासना पुचःया बैठकं भाइस चान्सलर मल्ल के सुन्दर, सदस्य सचिवय् डा पुष्पराज राजकर्णिकार, दाँभरीं वीरप्रसाद भन्सारी व दुजलय् प्रा प्रेमशान्ति तुलाधर, डा चन्द्रमान बज्राचार्य, त्रिरत्न शाक्य, शशीकला मानन्धर, विजयरत्न असंबरे, रजनीमिला महर्जन, राजित बहादुर श्रेष्ठ नापं ख्वपं महेन्द्र गोपाल कर्माचार्य, येँ पाखें निर्मल बज्राचार्य व यलपाखें अमरराज शर्मा, विद्या चित्रकारयात ल्यःगु दुसाः एकेडेमीया प्वंगु पार्षद पदय् नं न्हूपिं दुजः ल्ययेगु क्वछिउगु दु।
Categorized in राष्ट्रिय