मिसापिन्स ५० प्रतिशत अधिकार कायेदयेमाः, एमाले उपाध्यक्ष अष्टलक्ष्मी शाक्य
लहनान्युज | चिल्लाथ्व षष्ठी ११४२, फागुन २४ मंगलवाः
![](https://www.lahananews.com/sites/default/files/asta-laxmi_2.jpg)
नेकपा (एमाले) या उपाध्यक्ष अष्टलक्ष्मी शाक्यं मिसापिन्स ३३ प्रतिशत जक मखु ५० प्रतिशत अधिकार काये दयेमाः धका धाउगु दु।
थौं मङ्गलवाः १ सय १२ क्वःगु अन्तर्राष्ट्रिय महिला दिवसया लसताय् एमाले नाप च्वंगु अखिल नेपाल महिला सङ्घं येँ जुगु छगु ज्याझ्वलय् न्ववानादीसे शाक्यं आः मिसापिन्स ३३ प्रतिशत जक मखु मिजंपिन्स थे ५० प्रतिशत अधिकार काये दयेमाः धका धयादीगु दु।
वयकलं नेपाःया कुल जनसङ्ख्याया बच्छि मिसापि दुगुलि मिजंपिन्स थे ५० प्रतिशत समान अधिकारया अवधारणा दयकेमाः धका धयादीगु खः।
अथेहे नेकपा एमालेया स्थायी कमिटी सदस्य नाप पूर्वमन्त्री थममाया थापां संविधानय् यानातःगु किटानी व्यवस्था कथं समाजवादया आधार तयार यायेत मिसापिन्त न निर्णायक थासय् थ्यकेमाः धका धयादीगु खः।
Categorized in राष्ट्रिय