ख्वपया रानीपूखु नागरिकपिन्त खुल्लायात
रसिया श्रेष्ठ | सिल्लागा आमै ११४२, फागुन १८ बुधवाः
![](https://www.lahananews.com/sites/default/files/rani-pukhu-khopa.jpg)
ख्वपय् च्वंगु ऐतिहासिक रानीपूखु (न्हू पुखू) नागरिकया लागि खुल्ला याउगु दु।
नेपाल मजदुर किसान पार्टीया अध्यक्ष नारायणमान बिजुक्छेँ न ख्वप नगरपालिकां पुनःनिर्माण याउगु खः। छगु ज्याझ्वः दथुइ म्हिगः उलेज्या याउगु खः।
उगु याझ्वलय् अध्यक्ष बिजुक्छेँ नेपाल संवत् ७५० य् जगज्योति मल्लया इलय् निर्माण जुगु खःसा जुजु जितामित्र मल्लं पुनःनिर्माण याना आः रानीपोखरी नगरपालिका हाकनं पुनः जीर्णोद्धार याउगु खः धका धयादीगु खः।
पुरातत्व विभाग, प्रशासन व मालपोत कर्मचारीपिन्स मिले जुया सांस्कृतिक सम्पदा हे व्यक्तिया नामय् याना च्वंगु सम्पदा व सार्वजनिक सम्पत्तिया रक्षा यायेगु ज्या पालिकायात हे जिम्मा बिइमाः धका अध्यक्ष बिजुक्छेँ बःबियादीगु खः ।
Categorized in राष्ट्रिय