एमसीसी व्याख्यात्मक घोषणा लिपा प्रतिनिधिसभाय् अनुमोदन
लहनान्युज | सिल्लागा द्धादशी ११४२, फागुन १६ सोमवाः
![](https://www.lahananews.com/sites/default/files/janardhan.jpg)
अमेरिकी सहयोग सम्बन्धी परियोजना मिलेनियम च्यालेन्ज कम्प्याक्ट (एमसीसी) सम्झौता म्हिगः आइतबाः व्याख्यात्मक घोषणा नाप प्रतिनिधिसभाय् बहुमतं अनुमोदन याउगु दु।
नेपालं सम्झौताय् ल्हाचिं तःगु ४ वर्ष ६ महिना व दर्ता जुगु २ वर्ष ८ महिनालिपा प्रतिनिधिसभां एमसीसी सम्झौता अनुमोदन याउगु दु। सम्झौताय् ल्हाचिं तःगु २०७४ भदौ २९ गते व अनुमोदन याउगु २०७८ फागुन १५ गते निकल हे प्रधानमन्त्री शेरबहादुर देउवा खःसा ल्हाचिंपि अर्थमन्त्री ज्ञानेन्द्रबहादुर कार्की व प्रतिनिधिसभाय् जनार्दन शर्मा अर्थमन्त्री खः।
२०७५ माघ २५ गते तत्कालीन अर्थमन्त्री युवराज खतिवडां मन्त्रिपरिषदय् एमसीसी संसदपाखे अनुमोदन यायेगु प्रस्ताव तःगु खः। उगु हे दिं मन्त्रिपरिषदं स्वीकृति याउगु खः। मन्त्रिपरिषदया उगु निर्णय लिपा तत्कालीन अर्थमन्त्री युवराज खतिवडां २०७६ असार ३० गते प्रतिनिधिसभाय् सम्झौता दर्ता याउगु खः।
१२ बुँदे व्याख्यात्मक घोषणा संसदं नेपाल, अमेरिकाया छु न सैन्य गठबन्धन सामेल जुइमखु, नेपालया संविधान कम्प्याक्ट व कम्प्याक्टनाप सम्बन्धित मेगु सम्झौता स्वया च्वयेलाः, एमसीए–नेपालया दक्को क्रियाकलाप नाप कोष लेखा परीक्षण महालेखा परीक्षकपाखे यायेगु व बौद्धिक सम्पत्ति नेपाःया स्वामित्व दुगु घोषणा याउगु खः।
नाप, एमसीसीया क्रियाकलाप÷कार्यक्रम सञ्चालन यायेगु इलय् नेपाःया कानून वा नीति उल्लंघन जुगु ठहर जुगुलि ३० दिं न्ह्यः पूर्व लिखित पूर्वसूचना बिया कम्प्याक्ट अन्त्य याये दइगु अधिकार दुगु घोषणा याउगु खः।
Categorized in राष्ट्रिय