सम्पदा पुननिर्माण याना सञ्चालनया लागि समुदायपिन्त लितबिइ—मेयर शाक्य
रसिया श्रेष्ठ | सिल्लागा एकादशी ११४२, फागुन १५ आईतवाः
![](https://www.lahananews.com/sites/default/files/wa-12.jpg)
येँ महानगरपालिका वडा १२ य् वन्दे फल्चा थौं छगु ज्याझ्वः दथुइ उलेज्या यानादीगु दु।
महानगरया मेयर विद्यासुन्दर शाक्यं थौं छगु ज्याझ्वः दथुइ उलेज्या यानादीगु खः। उगु ज्याझ्वलय् उपमेयर हरिप्रभा खड्गी श्रेष्ठ, वडाध्यक्ष विकास डंगोल नाप पदाधिकारी सहभागी दुगु खः।
भ्याट नाप १८ लाख ७५ हजार रुपैयाँय् फल्चा निर्माण जुगु खः। फल्चा २७ फिट ४ इञ्च लम्बाई, ६ फिट ४ इन्च चौडाई व १४ फिट तजाउगु खः। मेयर शाक्यं धयादीगु दु, ‘माग दुगु तर विवाद मदुगु सम्पदा पुननिर्माण व मर्मतया दक्को योजना जिमिसं कार्यान्वयनय् यकगु दु। पुननिर्माण सम्पन्न जुइ धुका संरक्षण, सञ्चालन व व्यवस्थापनया लागि समुदायपिन्त हस्तान्तरण यानागु दु।’ मेयर शाक्यं धयादीगु दु।
न्हापा समुदाय न बचे यानातःगु सम्पदायणत राज्यया पाखे सहभागिता क्यनागु खः। जिमिस धयाच्वनागु दु। सम्पदायात बचे यायेत छु यायेमाः योजना ज्वना झासँ। जिमिसं पुननिर्माण नाप मर्मत याना संरक्षण व उपभोगया लागि समुदायपिन्त हे जिम्मा बियाउगु दु। मेयर शाक्यं धयादीगु दु।
उगु ज्याझ्वलय् उपमेयर हरिप्रभा खड्गी श्रेष्ठं, येँया म्हसिका हे सम्पदा जुगुलि थुकिया लगानी यायेत मग्यानागु धका धयादीसे सांस्कृतिक संरचना सामाजिक सद्भावया केन्द्र जुगु उल्लेख यानादीगु खः।
Categorized in राष्ट्रिय