युक्रेनय् सुथनिसे बमबारी व क्षेप्यास्त्र प्रहारयात
लहनान्युज | सिल्लागा नवमी ११४२, फागुन १३ शुक्रवाः
![](https://www.lahananews.com/sites/default/files/rus.jpg)
रुसी सेनां युक्रेनया राजधानी किभय् शुक्रबाः सुथनिसे बमबारी व क्षेप्यास्त्र प्रहार याउगु दु।
रुसी बमबारी लिपा किभया आकाशय् मिँ च्याना कुँ खनेदुगु दु। युक्रेनया रक्षा मन्त्रालयं क्षेप्यास्त्र प्रतिरक्षा प्रणालीया ग्वाहालिं रुस प्रहार याउगु छगु क्षेप्यास्त्र आकाशय् ध्वस्त याउगु दु।
तर छगु क्षेप्यास्त्र धासा आवासीय भवनय् कतु वंगु दु धका अनया सरकारं धाउगु दु। अथेहे, एसयू–१७ नांया थःगु लडाकु विमान कुकाउगु दु धका युक्रेनं दाबी याउगु दु।
अथेके, रुसी सेनाया लडाकु ट्याङ्क किभपाखे न्ह्यने यकाच्वंगु धका बेलायती समाचार माध्यमं धाउगु दु।
Categorized in अन्तर्राष्ट्रिय